Ишембайда Александр Матросов исемендәге мәдәният һәм ял паркы төзекләндерелде

Аны «Торак һәм шәһәр мохите» милли проектының «Уңайлы шәһәр мохитен формалаштыру» федераль программасы буенча төзекләндерәләр. Иҗтимагый киңлекне яңарту концепциясе шулай ук 2022 елда кече шәһәрләрдә һәм тарихи җирлекләрдә уңайлы шәһәр мохите булдыруның иң яхшы проектлары арасындагы Бөтенрусия конкурсында җиңде.

Республика башлыгы журналистлар белән әңгәмәдә Ишембайда Александр Матросов исемендәге үзәк мәдәният һәм ял паркын төзекләндерү эшләренең сыйфатын бәяләде.

— Монда дискотекаларга килгәнемне хәтерлим. Ә аннары бу парк җитди ташландык хәлдә иде, кешеләр хәтта монда керергә дә курыктылар. Ә хәзер ул үзгәрде, минем карашка, начар килеп чыкмады, — дип ассызыклады төбәк җитәкчесе Радий Фәрит улы. — Иң мөһиме, ишембайлылар федераль конкурста җиңеп, муниципалитетка «Уңайлы шәһәр мохитен формалаштыру» проекты акчаларын да, бюджеттан тыш акчаларны да җәлеп иттеләр.

Фото: Портал Главы РБ