Мунча өчен салым түләргәме?

     Дачамда  мунча төзеп куярга уйлыйм. Аның өчен салым түләргә кирәкме? Мунча-мичкә генә куйсам, салым түләтерләрме?

                                     Азат. Уфа шәһәре.

   Һәрбер күчемсез милек объектын ЕГРНда – күчемсез милекләрнең бердәм дәүләт реестрында теркәргә, ә аннан соң салым түләргә кирәк. Риелтор Елена Хабарова мунчаны күчемсез милеккә кертергә мөмкинлек бирүче критерийлар түбәндәгечә дип аңлата:

• аның капиталь нигезе,

коммуникацияләре булу,

• корылманың бөтенлеге. Ягъни мунчаны өлешләргә бүлеп, яңа урынга күчереп булмый.

   Мунча-мичкә бу критерийларга туры килми, димәк, аны теркәргә һәм салым түләргә кирәкми.

     Салым ставкасының күләме турында онытмыйк: әгәр объектның мәйданы 50 кв. м.дан артмаса – салым кадастр бәясеннән 0,1 % тәшкил итә.

Фото:  mixyfotos.ru