Ильмира Нәгыймова Марат Яруллин белән мөнәсәбәтләре турында: «4 ел очраштык»

 — Марат Яруллин үз концертларында сезнең якка төрле сүзләр әйтә, ничек карыйсыз моңа?

 — Ачылырга вакыт. Без Марат белән 4 ел очраштык. Бәлки, шуңадыр.

 — Марат белән сторислар кайчан була?

 — Хәзер инде беркайчан да булмый.

 — Нишләп аерылыштыгыз?

 — Характерлар туры килмәде.

 — Сез бик матур пар идегез. Фанатлар аккаунтында сезне яраталар иде.

 — Мин дөресен әйтергә булдым, чөнки алдашырга яратмыйм. Нигә мөнәсәтләрне яшердек? Үзебезнең «поклонникларны» һәм «поклонницаларны» югалтудан курыктык.

 — Марат белән Русланны чагыштырып булмый, Руслан әйбәтрәк, чын ир-ат һәм әти.

 — Икесе дә «ничаво». Русланнан соң үземә: «Артистлар белән башка очрашмыйм», – дигән идем. «Башка беркайчан да» булды бу. Хәзер икенче тапкыр әйтәм – беркайчан да.

 — Энегез турында авыр хәбәрләр килгәч, Марат терәк булдымы?

 — Әйе, ул вакытта янымда булганы өчен мин аңа рәхмәтле.

 — Сорап килсә, Маратка икенче шанс бирәсезме?

 — Егетләрдә барысы да гади. Мин беләм, аның янында «та самая». Бәхетле булсыннар.

 — Руслан белән утырып сөйләшеп, дуслар булып аралашып яшәр идегезме?

— Әйе, тик ул мине күрә алмый бугай, ә миңа барыбер, — дип җавап биргән җырчы.

Ильмира үзенең хәзер мөнәсәбәтләрдә булмавын да яза.

Чыганак: «Интертат».