Рахмаев өйләнешкәннән соң әти-әнисе белән катлаулы мөнәсәбәтләр турында белдерде

 — Мин гаилә коргач, мөнәсәбәтләр бозылды. Бу яңалык, ят хәл түгел иде: элек мин кызлар белән очрашканда әни: «син безне бүтән яратмыйсың, безне оныттың», — дип әйтә иде. Ә мин сөйгән кызым белән мөнәсәбәтләрне өзгәндә, барысы да җайга салына иде. Хәзер минем гаиләм бар, әмма әти-әнием шат түгел. Мин аларга ярдәм иткәндә генә яхшы булып калам. Игътибарыңны бераз киметсәң, шунда ук ызгышлар башлана. Мин әти-әниемне хөрмәт итәм, аларга ярдәм итәм, әмма алар минем хәзер үз гаиләм булуын аңларга тиеш, — дип зарлана ул.

Сәхнә йолдызы әйтүенчә, хәзер хатыны Илсөяр алар белән элемтә урнаштырырга тырышмый башлаган.

 — Әни аңа нәрсә генә язмады, — ди артист.

Үз хатынын ул иң якын кеше дип атый һәм язылучыларның тәнкыйтенә игътибар итми — янәсе ул пластика ясый.

Җырчы хатынының иреннәре ясалуын, винирлары торуын, күкрәгенә операция ясарга ниятләвен яшерми. «Без стильле гаилә», — дип ассызыклап куйган ул.

Фото: соцчелтәрләрдән.