Лия Шәмсина ярдәм сорый

Яшь җырчы Лия Шәмсина социаль челтәрләрдәге дусларыннан юату сүзләрен көтә, аның кызы Айла авырып киткән.

«Гадәттә мин сәхифәмдә хастаханәдә булуым турында сөйләмим. Әмма хәзер рухи ярдәм аласым килә.

Айланың 3 көн температурасы бар, бүген табибка мөрәҗәгать иттек. Безнең йогышлы авырулар хастаханәсенә салдылар, чөнки кан анализы вируслы инфекция булуын күрсәтте. Температурасы югары – 39,7 градуска кадәр. Палатага урнашкач та анализлар бирдек, нәтиҗәсен көтәбез», – дип борчылуы белән уртаклаша яшь әни.