Мәшһүр җырчыга һәйкәл ачылды

Шаран районында беренче тапкыр үткән  «Шаран җиләге» этник мәдәният фестивале  кысаларында Шаран җиренең Мактаулы гражданины, Башкортстанның һәм Татарстанның халык артисты Фан Вәлиәхмәтовка һәйкәл ачылды.

Чарада Дәүләт Думасы депутаты, 13 тапкыр Паралимпия чемпионы, күп тапкырлар СССР, Русия чемпионы Рима Баталова, күренекле артистлар, Фән Гавис улының балалары һәм туганнары катнашты. Аннан соң Башкортстанның һәм Татарстанның танылган артистлар катнашында легендар җырчы истәлегенә багышланган концерт тәкъдим ителде.