Ринат Рәхмәтуллин пластик операция ясату турында уйлана

Билгеле җырчы Ринат Рәхмәтуллин “Күңел» радиосында кунакта булган.

Ул алып баручы Лилия Гатинаның сорауларына җавап биргән.

– Ринат абый, берәр җирегезгә пластик операция ясату турында уйлаганыгыз бармы? – дип сорый алып баручы.

– Әлбәттә, бар! Заман шуны таләп итә. Минем хатын яшь, аның янында мин дә яшь булырга тиеш. Мин икенче иякне алдырыр идем, – дип җавап бирә җырчы.

– Ә менә тормыш иптәшегез Динараның берәр җирен үзгәртер идегезме?

– Юк, аның бар әйбере урынында. Булмаса, мин аңа шунда ук әйтәм. Ул аны ясата, эшләтә. Шуңа күрә мин аннан канәгать.

– Татар эстрадасында дуслык бармы?

– Дуслык бар ул, чын дуслык дип әйтә алмыйм.

– Үзегез турында комментарийлар укып, кәефегезне төшереп елаганыгыз булдымы?

– Юк. Укыйм да, кайсыберләреннән көләм, кайсыберләрен укып, анализ ясыйм. Язалар икән, димәк, мин кемгәдер кирәк, кызык.