Популяр сәхнә йолдызы теләген чынга ашырган

Җырчы Ләйлә Галиева әнисе һәм 2 кызы белән Төркиягә ялга барган. Эстрада йолдызы әнисенең моңа кадәр ялга барганы булмаган. Диңгезне дә үз гомерендә беренче тапкыр күргән икән, ләбаса...

Җырчы әнисенә шул рәвешле кадер-хөрмәт күрсәтергә тырышкан, диләр.

«Төркиядән сезгә ялкынлы кайнар сәлам. Чыннан да иң якын кешеләрнең берсе, ул да булса – бердәнбер газиз әнием. Күптәнге хыялларымның берсе – әниемне чит илгә алып барып ял иттерү иде. Әлеге максатыма ирештем.

Рәхмәт, әнием, минем янәшәмдә булганың өчен. Сиңа мең-мең рәхмәтлемен. Шушы ял сиңа файдага гына булсын. Бүләк итегез әниләрегезгә ял, алар дөньяда берәү генә», – дип язды бу хакта Ләйлә социаль челтәрләрдә...

Фото: социаль челтәрләр.