Хәния Фәрхинең 65 еллыгына багышланган кичә үтәчәк

Тәтешле районы Югары Тәтешле авылы мәдәният йортында Хәния Фәрхи исемендәге «Онытылыр, димә» V төбәкара башкорт-татар җыр бәйгесе кабат үзенең дусларын җыя.Чара 30 майга планлаштырылган. 

«Кадерле дуслар! Вокаль сәнгатьне яратучы һәваскәрләрне һәм профессиональләрне татар һәм башкорт халкының легендар җырчысы Хәния Фәрхи исемендәге V төбәкара фестиваль-бәйгесенә чакырабыз. Ул моң иясенең 65 еллыгына багышлана. Хәния Фәрхинең онытылмас җырларын бергәләп җырлыйк. Рәхим итегез!» – дип хәбәр итә социаль челтәрләрдә Тәтешле районы хакимияте.