Данир Сабировның хатынын бәби алып кайтырга үгетлиләр

— Өченчегә бәби алып кайтырга уйламыйсызмы? Бу сорау күпләрне борчыйдыр, дип уйлыйм.

 — Чыннан да бу сорауны миңа күп кеше бирә. Менә артистларның 3әр, 4әр баласы бар, диләр. “Булмагае, бишне тапсыннар шунда. Минем катнашым юк. Мин артист түгел”, - дип көлеп җавап кайтарам. Өченчегә бала табарга теләгем юк дип тә әйтә алмыйм. Теләк бар инде ул. Кечкенә бала күрсәм, кочаклыйсы да, үбәсе дә килә. 18 яшемдә кияүгә чыктым. 20 яшемдә Мәрьямне, 24 яшемдә Данияны таптым. Хәзер балалар үсте, шундый рәхәт. Үзем дә яшь. Шуңа әлеге вакытта бәби алып кайту күренми. Юк дип, кистереп тә әйтмим. Әлегә өч бала анасы булырга мин әзер түгел, — ди Миләүшә апа.

Чыганак: «Татар эстрадасы» Телеграм-каналы.