Ләйлә Галиева: "Кияүгә аерылырмын дип чыкмыйсың" (ВИДЕО)

"Сез мине котлый аласыз", - дип җырчы Ләйлә Галиева никахын өзү турында таныклыгын күрсәтеп мактанган. "Моны күпләр "хайп" дип уйлады. Подписчиклар арттыру өчен дип. Юк, бу һәрбер гаиләдә була торган вакыйга дип әйтергә мөмкин. Кияүгә чыкканда аерылырмын дип чыкмыйсың бит инде, матур итеп яшәрмен дип чыгасың. Тормыш бер алдын, бер артын күрсәтә инде. Шулай итеп, бүген мин документ алдым. Алга атлыйбыз, эшлибез, үсәбез. Безгә икебезгә дә шулай яхшырак булачак - ди Ләйлә.

Ире белән аерылышуы күптәннән билгеле булгач, Ләйлә Галиевага егетләрдән очрашу, кафега бару тәкъдимнәре дә еш килә икән. Аларга мөрәҗәгать итеп җырчы болай дигән: "Хәерле көннәр, хәерле кичләр, уңышлы көннәр дип язасыз. Зинһар өчен андый СМСлар белән вакытымны алмагыз. Минем кинога, кафега йөрергә вакытым юк, эш белән нык " загруженный". Игътибар бирәсегез килә икән, әнә, "доставка"лар эшләп тора, рәхим итеп җибәрегез, - ди ул.