Алсу Сафина танылган актер белән очрашамы?

Җырчы Алсу танылган актер Константин Крюков белән мөнәсәбәтләре турында имеш-мимешләргә аңлатма биргән, дип яза Интертат. Алар шактый кызыклы кадрда бергә күренгәч, шундый сүзләр таралган иде.

Әмма алар бары тик Алсуның «Чужая» җырына клип төшерү өчен генә бергә булган икән. Шуңа да карамастан, җырчының иҗатын яратучылар аларны романтик хисләр берләштерә дип саный, чөнки алар кадрда бер-берсе белән бик гармонияле күренгән.

Алсу исә бу имеш-мимешләргә нокта куярга булган һәм Константин белән аның арасында бары тик эш мөнәсәбәтләре генә булуын һәм клип төшергәнче бер-берсе белән таныш булмауларын әйткән.

Шулай да, Крюков җырчының күңеленә бик якын булып күренгән, күрәсең, Алсу аны «идеаль ир-ат» дип атаган.