"Альберт, син шундый "брутальный"

Җырчы Альберт Вәлиуллинны Татарстанның халык артисты Венера Ганиева оялткан, - дип яза "Интертат". Казандагы концертына кунак булып килгәч, Винера Ганиева Альбертка сәхнәдән бик җылы һәм көтелмәгән сүзләр әйткән:

«Альберт, беләсеңме, безнең эстрадада ир-ат җырчылар бик күп. Әмма син шулар арасыннан бик аерылып торасың. Син шундый «брутальный». Мин сине Рәсәй эстрадасыннан Стас Михайлов белән чагыштырыр идем. Шундый «крутой» син. Елмаюың искиткеч, тешләрең шундый тигез», – дип, мактапмы мактап күрсәтә Винера Ганеева җырчыны.

«Винера апа оялтты. Мондый комплиментлар әйткәннәре юк иде әле миңа» – дип язган Альберт социаль челтәрләрдә.