Барлык яңалыклар
Йолдызлар тормышыннан
6 декабрь 2024, 20:57

Марат Яруллин мәдәният сараенда балалар реквизитын җимергән (ВИДЕО)

Бу хәл Чишмә районында теркәлгән. 

Видеодан скриншот.
Фото: Видеодан скриншот.

Татар эстрадасының төп буйдакларының  (аның афишасында нәкъ шулай язылган) берсе Марат Яруллин 2нче декабрьдә Чишмәдә концерт белән чыгыш ясаган. Концерт алдыннан үткәргән репетициясендә ул мәдәният сараендагы реквизит – атына торган кәнәфидә – кылтаеп, атынып җырлый. Әмма кайсыдыр бер моментта кәнәфи Марат Яруллинның гәүдәсен күтәрә алмый, җимерелә. Җырчының моңа исе китми, ул шаркылдап көлә-көлә җырлавын дәвам итә.  

Ә менә мәдәният сараенда көлүчеләр булмаган. Яруллин гади җиһазны җимермәгән, ул балалар театраль студиясе реквизитын җимергән. Балаларның ата-аналары акча җыеп сатып алган булган аны. Түгәрәк җитәкчесе зыянны каплаттыру максатында  Марат Яруллин белән элемтәгә чыгып караган, әмма җырчы җавап бирмәгән.

Mash Batash Телеграм-каналына җырчы  утыргычның болай да таралып баруын әйткән, аннары, шул кәнәфидән егылып җәрәхәтләнгән булсам, мәдәният йортын судка да бирә алыр идем, дигән.

Ай-һай, бер дә матур түгел, миңа калса...

Чыганак: Mash Batash Телеграм-каналы. 


Автор:Әлфия Шакирҗанова
Читайте нас: