«Башта талаштылар, аннан яратыштылар»

Стәрлетамакка гастрольләре вакытында Данир Сабиров бер кунакханәгә тукталган һәм, төне буе йоклый алмыйча, интегеп чыккан, - дип яза "Интертат".  Барысына да артык юка стеналар һәм дәртле күршеләре сәбәпче. Юмор остасы бу хакта кызык итеп сторисларында сөйли.

«Кайвакыт минем өчен иң яхшы музыка ул – тынычлык. Менә шундый матур номер минем. Тик биредә шул дәрәҗдәге юка стеналар... Күрше бүлмәдәгеләрнең нәрсә сөйләшкәннәре ишетелеп торды. Вәт Стәрлетамак кунаклары дәртле-е-е. Ә бәлки, Стәрлетамаклылар үзләредер дә әле. Башта талаштылар, аннан яратыштылар... Кыскасы, спектакль караган кебек булдым. Страсти, малай. Минем, хәтта, алар белән танышасым килеп китте. Лифтта күрсәм, кул чабар идем», – дигән ул. Сүз уңаеннан, Данир Сабировның мондый хәлгә беренче генә юлыгуы түгел икән. Аның инде Уфада да төнлә йокламый торган күршеләрен тыңлап чыкканы булган.