Гөлназ Асаева: "Миннән пычрак эзләп утырмагыз!" (Видео)

Күптән түгел җырчы Гөлназ Асаева яңа образда төшкән фотоларын социаль челтәргә куйган иде. Җырчының кыска шортиклы образын халык яратмыйча, фото астына төрле эчтәлекле комментарийлар калдырганнар. «Кү...ңә ки, салкын тия бит», – дип тә, «Бөтенләй чишенеп бетәргә иде», – дип тә яздылар. Гөлназны ыштансыз чикерткә дә охшаттылар. «Олылар журналына төшкән сыман», – дип, хәтта бу образы белән иренә хыянәт итүдә гаепләделәр.

Гөлназ Асаева үзенең образын ошатмаучы хейтерларына җавап итеп, видео яздырган.

«Миңа башка пабликлардан да комметарийлар җибәрәләр. Нәрсә генә язмаганнар. Асаеваны татар эстрдасыннан куарга кирәк, Татарстан һәм Башкортстанга аның өчен оят, дигәннәр. Миңа шул дәрәҗәдә пычрак атулары бер дә көтелмәгән булды. Бу фотосессияне ясаганда, миңа барысы да нормаль кебек тоелды. Бу яшемдә экспериментлар ясауның бернәрсәсе дә юктыр. Кыска шортиктан фотога төшүемнең беркемгә дә зыян юктыр, дип уйладым. Әмма күп кеше моны оят дип саный икән. Шуннан да ерак китеп булмас инде бездә.

Миннән пычрак эзләп утырмагыз. Тапмыйсыз. Тыйнак булып кыланганнардан шикләнегез», – дигән ул.