Гөлназ һәм Илсур Шәрипҗановлар мошенниклар белән очрашкан

Җырчы гаилә Гөлназ һәм Илсур Шәрипҗановлар мошенниклар белән очрашкан. Туй салонында эшләүче бер хатын туйга җырчыларның чыгышын саткан. Алдау турында җырчылар гаилә корырга теләгән пар мөрәҗәгать иткәннән соң гына белгән.

 – Ул хатын-кыз безнең хезмәт өчен 100 процент түләү сорап куйган булган. Чыгышыбызны 6 меңгә саткан. Яшьләр концертыбызны озынайтырга теләгәч, кабат 7 мең сораган. Кияү белән кәләш шикләнеп, безнең белән турыдан-туры бәйләнешкә чыктылар. Мошенник үзен безнең администратор дип алдап, чыгышларыбызны саткан. Ә без бернәрсә белмибез. Кияү белән кәләшкә барысын да аңлаттык. Үзебезнең бәябезне дә әйттек. Шау-шу куптаргач, яшьләргә акчаны кайтарганнар.

Ярый әле кияү белән кәләш безнең белән хәбәргә чыкты. Ә шалтыратмаган булсалар, безне көтәрләр иде. Монда инде без алдаучылар булып калыр идек. Репутациябезгә зыян килер иде. Игътибарлы булырга өндим. Җырчыларны мәҗлесегезгә чакырасыгыз килсә,  үзләре белә н элемтәгә керершә тырышыгыз, – дип киңәш бирә Гөлназ Шарипҗанова.

Тулырак: Шәһри Казан