Зөлфәт Зиннуров туйда: «Мондый нәрсәне беренче күрәм»

Танылган алып баручы Зөлфәт Зиннуров бер туйда күргәннәреннән шаккатуы турында социаль челтәрдәге сәхифәсендә хәбәр иткән.

Туйларны, төрле мәҗлесләрне күп үткәргән кеше буларак, ул пар каз, чәкчәк һ.б. күп күргән. «Менә монысы – беренче тапкыр. Сабада узган туйда, яшьләргә бүләк дип, кунаклар пар тәкә түшкәләре алып килгән», – дигән ул.

Видеоны караучылар шаккатып тормаган, бу бүләкне «артыгын кылану» дип кабул иткән.

«Бәхетләре шуннан торса икән»;

«Олы апайлар көнчеләнеп карый. Машина, сыер чыгарсыннар шунда. Шушы яшькә җитеп акылсыз калу – бик моңсу инде»;

«Артыгын кыланалар инде», – кебек комментарийлар калдырганнар.

Пар тәкә алып чыккан видеоны сылтама аша карый аласыз.