Авыл клубына ярдәм

Данир Сабиров, Азнакай районына кайткач, үзенең сәхнә тормышына юл ачкан авыл клубына кереп чыккан. «Былтыр үзебезчә авыл клубын рәткә китердек. Идәннәр ярыклы иде. Хәзер үкчәләр төшеп китми», – дип сөйли артист, идәннәрне күрсәтеп.

Узган елда концерттан алган бөтен гонорарын ул клубка калдырган. Шул акчага проектор, экран, яңа пәрдәләр алганнар, яңа идәннәр җәйгәннәр. Үзенең иске сәхнә күлмәкләрен дә артист әнисенең туган авылы Сәпәй мәдәният йортына тапшыра икән.