Данир Сабиров: "Бу бүләк "резиновый"мы әллә?" (Видео)

"Гастрольләргә дә йөртерсез - көн саен кочаклап та ятарга!"

Уфада Данир Сабиров бер тамашачысыннан "резиновый" бүләк көткән (Видео)

Билгеле булуынча, юмор остасы, җырчы, алып баручы Данир Сабиров шушы көннәрдә Уфада 4 көн концерт куйды. Тамашачылары аны чәчәк бәйләмнәренә, бүләкләргә күмде. Бер ханым аңа үзенчәлекле бүләк алып килгән. Зур капчык белән сәхнәгә чыгып:

"Сез бит инде хәзер гастрольләргә Миләүшәсез генә йөрисез. Ул өйдә балалар белән кала. Сез аны сагынасыздыр... Шуңа күрә мин сезгә аны "в мягком варианте" бүләк итәргә булдым, - ди ул, - Сез аны гастрольләргә йөртерсез, кочаклап та ята аласыз", - дип капчыгына үрелә. Тамашачылар шаяруны аңлап, "гөж" килә башлый, алкышларга күмә. Данир исә халыкны тагын да "кыздырып": "Резиновыймы әллә?!", - дип сорый. Шул вакытта ханым капчыгыннан зур озынча мендәр тартып чыгара. Ә мендәрдә җырчының хатыны Миләүшә фотосурәте төшерелгән була.