Радик Динәхмәтовка Халык артисты исеме бирелде

Бүген атналык оператив киңәшмәдә республика Башлыгы Радий Хәбиров махсус хәрби операция зонасыннан ялга кайткан җырчы Радик Динәхмәтовка "Башкортстанның халык артисты" исемен бирде.

"Бу - чын ир-егетлек үрнәге. Ул үз теләге белән СВОга китте һәм үзенең хәрби бурычын үти", - диде Радий Хәбиров, бүләкне тапшырганда.

 Радик Динәхмәтов СВО зонасында санитар-водитель булып эшли. Әлеге вакытта ул ялда. Таһир Кусимов исемендәге батальон егетләреннән  җырчы Радий Хәбировка сәламнәрен, рәхмәтләрен җиткерде. Шулай ук ул Хәбировка СВОдан егетләр җибәргән хәрби башлык бүләк итте.