Айдар Галимов: "Их, әгәр вакытны артка әйләндереп булса иде... "

Айдар Галимов, әгәр дә вакытны артка борып, малай чакка кайтып булса, һичшиксез, үз-үземә тәнкыйть күзлегеннән чыгып киңәш бирер идем, дигән. Бу хакта җырчы BFM радиосында интервью вакытында сөйләгән.

Аның фикеренчә, тормышта иң мөһиме вакытның кадерен белү һәм бер мөмкинлекләрне дә кулдан ычкындырмау. "Ул малайга бик күп киңәшләр бирергә булыр иде. Тормыш гел шулай гына булмаячак, дип әйтер идем мин аңа. Әгәр алдыңда зур мөмкинлекләр барлыгын тоясың икән, аны шул мизгелдә үк кулланырга тырыш. Киләчәктә моны эшләү авыррак та һәм мөмкинлекләр дә азрак булачак. Вакыт бик кадере, гомер дә тиз уза. Һәр очрашуның һәм мизгелнең кадерен белеп яшәргә кирәк", дигән ул. Килешәсезме аның сүзләре белән?