Радик Юлъякшиннан мондый хәбәрне көтмәгән идек

Күптән түгел Башкортстанның танылган эстрада җырчысы Радик Юлъякшин Мәскәүгә күченеп китүе турында хәбәр иткән иде.

Шушы көннәрдә «Россия-Башкортстан» радиосында барган туры эфирда ул башкортча җырлаудан туктамаячакмын, дигән. Аның сүзләренчә, ул иҗатын ташламый, Элвин Грей проектын дәвам итәчәк, туган телендә җырлаячак.

- Мәскәүгә күчү - әле бу җырлаудан туктыйм дигән сүз түгел. Мин шулай ук башкорт телендә җырлавымны дәвам итәчәкмен, әмма иҗатым рус телендә күбрәк булыр - дигән Элвин Грей.

Яңарак кына җырчы социаль челтәрләрдә башкорт эстрадасыннан китәм дип язган иде. Кире уйлагандыр, күрәсең.