Клип төшерелми калган

Кайсы җырчы булды икән ул?..

Казан ЮХХДИ хезмәткәрләре Миллениум күперендә клип төшерүчеләрне штрафка  тарттырган. Водительләр внедорожниклары белән юлны бүлеп, акрын хәрәкәт иткәннәр һәм бу вакытта алар клип төшереп маташканнар. Ә ашыккан халыкны бу борчуга салган.

Егетләрнең берсе – Балтач районы егете - иминлек сакчыларына эшне аңлаткан. Ул 26 сентябрь көнне үз җырына клип төшерү өчен дусларын шушы күпергә чакырган икән.

Биш водительне һәм өч пассажирны юл хәрәкәтен аңлы рәвештә бүлгәне, саксыз хәрәкәт, кеше утыртып йөрү кагыйдәләрен бозган һ.б. өчен штрафка тарттырганнар.

 Менә сиңа фантазия байлыгы!

Андый эшләрне кеше аз йөргәндә, бик иртә яки кич эшләргә кирәк, диләр юлда йөрүчеләр.

 Фото: nat-geo.ru