+7 °С
Дождь
Гәзиткә язылу
Барлык яңалыклар
Йолдызлар тормышыннан
15 декабрь 2020, 11:28

Эш судка җибәрелгән

Элвин Грейның Казандагы концертларында ни булган?

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан идарәсе җырчы Элвин Грейның концертында коронавируска каршы чараларның үтәлмәвен ачыклаган. Артистның музыкаль лейблына һәм концерт залына карата административ хокук бозу турында беркетмәләр төзегән. Концертны оештыруга карата материаллар карау өчен судка җибәрелгән.
Бу аның 9 айдан соң Казанда оештырылган ике концертының беренчесендә булган. “Пирамида” да үткән икенче концертында Радик Юльякшин сәхнә алдында фанатлар көтүен җыеп, аларны үбә-үбә, бөтен кагыйдәләрне дә онытырга чакырмаган. Музыкант бу көнне, киресенчә, кунакларының битлек киюен һәм урыннарыннан тормавын сораган”, дип яза “Бизнес-онлайн”.
Элвин Грей ноябрь ахырында ук Татарстандагы концертлар графигын анонслаган иде. Ул Казанда өч концерт, Чаллыда ике һәм Яшел Үзән, Түбән Кама, Әлмәттә берәр концерт биргән.