“Буталма, энекәш!”

Әбри Хәбриевның: «Татар халкы – комплекслы халык. Бездә бу ярамый, теге ярамый. Болай киенергә ярамый, болай сәхнәгә чыгарга ярамый… Мин Америка стендапларын карарга яратам – анда икенче атмосфера. Аларда кысалар юк: аңлаганы аңлый, аңламаганы аңламый. Аңламаган кеше шар ярып: „Мыскыл итте“, – дип кычкырып йөрми. Ошамады икән – үткәрә дә җибәрә. Каядыр язып, тәнкыйтьләп утырмый. Безнең тамашачыда, бигрәк тә журналистларда шундый әйбер бар – син сәхнәдән кечкенә генә китек әйбер әйтәсең икән, өч полоса тутырып зур мәкалә язып чыга», – дигән сүзләре intertat.tatarда дөнья күргәч, артистны “тетеп” ташладылар.

“Башыңны акыллыга салып, татарлар турында нидер әйткәнче, белгәнрәк кешеләрдән бераз сорашыр идең. Тиле малай образында сәхнәгә менгән кеше, татарларны зәвыксыз булуда гаепләргә көчәнеп утыра”; “Үләләр инде шул татар халкына бәйләнеп. Тегенди дә мондый дип. Әйтерсең калганнар камил милләт. Нәрсә дип аны чагыштырырга? Синең әбиең күргәнне Америка әбисе гомерендә дә күрмәгәндер шул”; “Алар (чит илне әйтүем), сәхнәдә җенси якынлык та кыла (анысын да күргәнсеңдер, Әбри), хәзер шуларга иярергә дигән сүзме инде??? Комплекслылык белән әхлак төшенчәсен бутама, энекәш!” – дигәннәр аңа.

Ә бит хаклык халык ягында. Монда журналистларга өч полоса язып торасы бармыни инде?

Чыганак: intertat.tatar

Фото: ВКонтакте