“Казан егетләре” тагын үзгәрә...

«Казан егетләре» солисты Илнат Фархуллин төркемнән китә. Җырчы автор-башкаручы буларак, мөстәкыйль рәвештә үзе генә чыгыш ясый башлаячак. «Казан егетләре» төркемендә мин 7 ел егетләр белән бергәлектә иҗат иттем. Җиң сызганып бергә эшләдек, бер гаилә егетләре сыман дус яшәдек!.. Рәхмәтләрем чиксез үзләренә һәм продюсерга!.. Алар янәшәсендә зур тормыш мәктәбе үтелде!.. Бөртекләп кенә саллы тәҗрибә тупланды. Хөрмәтле тамашачым, күреп тордыгыз, минем һәрчак үз сүзем үз фикерем булды һәм бар. Ялган йөз белән сәхнәгә чыкмадым һәр чыгышымда 100% бирелергә тырыштым. «Казан егетләре»нең Илнатлы дәвере күңелегездә җылы хисләргә төренеп сакланачагына шикләнмим!..» – ди Илнат Фархуллин.

Чыганак: Матбугат.ру