Уфада бүген беренче кар яуды

Кем генә сөенми икән моңа! Социаль челтәрләрдә дә бу шатлыклы көндә кичергән хис-тойгыларын бүлешүчеләр күп. Татарстанның атказанган артистлары - эстраданың пар сандугачлары Динә һәм Рафаэль Латыйповлар да кышка аяк басулары уңаеннан Инстаграмда яңа фотоларын урнаштырганнар.

"Кыш житә...
Буген безнең туган ягыбыз Буада чын, ап-ак кыш килде,- дип шалтыраттылар. Без кыш кунакны каршыларга киттек", - дигән.

Артистларның тыгыз график белән яшәүләре сер түгел. Әмма алар табигатьнең шундый матур мизгеленә сокланып, хозурланып йөрергә дә өлгерәләр. Яраткан подписчиклары:

"Шулай йөрергә дә вакыт табасызмы? Молодцы, бик матурлар", «Юлларда исән-сау йөрегез», дип комментарийлар язганнар.

Ә сез, дуслар, елның шундый матур мизгелләрендә хозурланып йөрергә вакыт табасызмы? Фотолар җибәрегез!

#татарбашкортэстрадасыйолдызлары;#сәхнәартистлары