Биеп тора, көлеп тора...

Әйе, Рөстәм Гайзуллин бу! Татарстанның К.Тинчурин исемендәге драма һәм комедия театры артисты.

Шәп артист, шәп кеше инде ул Рөстәм. Аннан да бигрәк, шәп гаилә башлыгы. Кадерлесе – Альбинасы белән чөкердәшеп яшиләр, күз тимәсен. Уллары Нурсолтан белән Рамазан инде дә шәп малайлар - үзләре шук, үзләре җитез, булдыклы. “Чаткылар” битендә Нурсолтанның ди-джей булып “эшләвен” күргәнсездер инде?

Инде бу видеога кайтсак, аңлагансыздыр, Рөстәм туган көн шатлыгы белән уртаклаша. Артист бит, ни кыланса да килешә, чөнки килешле кылана! Рөстәм – чын артист һәм ул башка кайберүләр кебек “мөгез чыгара” торган егет түгел.

Афәрин! Бие, Рөстәм! Уйна! Безгә яхшы кәеф бүләк итсәң, шул җитте. Килешә бит сиңа!