Фирдүс Тямаев этләр приютына 30 мең сум акча күчергән

Гүзәл Уразова белән Фирдүс Тямаев Инстаграмнарында элгән видеоязма тирәсендә шау-шу тынмый.

Кичә интернетны Гүзәл Уразова һәм Фирдүс Тямаев катнашындагы видео шаулатты. Ике җырчы юл буенда очраша һәм шул мизгелдә күзләренә юлда яткан үләксә чалына. Шаярып төшерелгән видеоны күпләр аңламады. Фирдүс һәм Гүзәлне гаеп иттеләр. Шул ук вакытта “шаяру гына бит бу” дип язучылар да күп булды.

Тема зурга китмәс иде, әгәр дә аны социаль челтәрләр генә түгел, ә республика күләм матбугат чаралары да күтәреп алмаса. Ахыр чиктә видео Гүзәлнең аккаунтыннан бетерелде, ә Фирдүс Тямаев үзенең аккаунтында халыктан гафу үтенде. Бүген теманың дәвамы бар. Фирдүс Тямаев бүген 28 октябрь көнне Казаннан ерак түгел Столбище бистәсендә урнашкан этләр приютына 30 мең сум акча күчергән.

Бу сумма андагы этләрне ай ярым ашатырга, тәрбияләргә җитә икән.

Фирдүс "Матбугат.ру"га үз адымын болай аңлатты:

- Кемдер шаяруларымны аңлый, кемдер аңламый. Инстаграмда гафу үтенсәм дә, күңелдә төер калды. Шуңа күрә ничектер моны үзгәртәсем килде. Үзем өчен, күңел тынычлыгы өчен. Әлбәттә, мине пиар ясый дип әйтүчеләр дә булыр. Мин хәйрия эшләрендә, мохтаҗларга ярдәм итүдә күп катнаштым. Әмма этләр приютына ярдәм итәрмен дип уйламаган да идем. Бәлки, бу юлда булган күңелсез очрак Аллаһы Тәгалә тарафыннан бер этәргеч булгандыр моңа.

#татарбашкортэстрадасыйолдызлары;#сәхнәартистлары

Читайте нас:

Баш мөхәррир: Рәдис Гыйльван улы Ногманов

Телефон

8 (347) 273-94-38

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, Дом печати, 9 этаж

Реклама хезмәте

8 (347) 273-64-81

Кабул итү бүлмәсе

8 (347) 273-94-56