Иреккә чыккан Кокорин...73 мең сумлык ашаган

Футболчы хатыны Дарья Вәлитова белән ресторанга гаилә дусларын – клипмейкер Павел Худяковның гаиләсен дә чакырган. Компаниягә бер утырып ашау 73 мең сумга төшкән. Барлыгы 9 кеше утырганнар.

Ресторан хуҗалары данлыклы кунакларга 20% ташлама да биргән. Югыйсә, ашау-эчүләре 100 мең сумга ук басасы булган.

Әйтүләренә караганда, кичке банкет Кутузов проспектындагы стейк-ресторанның вип-залында үткән. “Зенит” форварды спиртлы эчемлекләр алмаган. Стейклар, суши һәм лимонад белән сыйланганнар.

Дуслары белән тамак ялгап алганнан соң Кокориннар шопингка – бутиклар буйлап кием-салым карарга киткәннәр. Футболчыны таныган берәү әйтүенчә, бутиктан чыккач, спортчы шунда хәер сорашып торган үсмер кызга акча биреп тормаган.