Ришат Төхвәтуллин: "Хыянәт һәм сынаулар аша үтәргә туры килде"

"Үз гомеремдә миңа бик күп авырлыклар, сынаулар һәм хыянәт аша үтәргә туры килде. Аңлатып торырга да кирәкмидер - бу барыгызның да күз алдында булды. Инде төшенкелеккә бирелә башлаган чакларымда "Агымсу" җыры мине үзе эзләп тапты кебек. Ул авырлыкларны мин җыр белән җиңдем! Шуның өчен дә бик кадерле ул миңа!

Иң авыр минутларда бик зирәк кеше: "Сиңа аяк чалучылар күп булыр. Беркайчан да үзеңнән һәм кешеләрдән өметеңне өзмә! Таш белән атканга, аш белән җавап кайтар", - дип киңәш бирде. Шул киңәшне истә тотып, мин әле дә үз юлымнан тайпылмыйча ныклы адымнар белән алга барам! Иң мөһиме - мин яраткан, күңелемә якын эш белән шөгыльләнәм һәм ихластан аяк чалучыларга тик яхшылык телим! Берсенә дә ачу сакламыйм", - ди ул. Һәм постына “Сөю бар әле” җырын урнаштырган. Бу җыр нәкъ шулар хакта.