Быел көзен кайсы илләргә ял итәргә бармау хәерле?

Көзге сәяхәтләрен планлаштырганда, Россия туристларына популяр чит ил юнәлешләренең кайберләрендә һава торышы белән бәйле куркынычларны исәпкә алырга кирәк. Алар арасында Азиянең кайбер илләре, Бразилия, Филиппиннар һәм Мальдив утраулары бар.

Турэксперт Наталья Ансталь сүзләренә караганда, Азия илләрендә көзен тайфуннар һәм муссоннар ихтималы саклана. Аерым алганда, начар һава торышы Вьетнамның үзәк районнарына кагылырга мөмкин.

«Вьетнамда муссоннар куркынычы зур. Бу — үзәк төбәкләр, Дананг һәм Хойан. Анда сентябрьдән ноябрьгә кадәр тайфуннар булырга мөмкин», — дип билгеләп үтте Ансталь.

Наталья шулай ук Непалда яңгырлар сезоны сентябрьдә башлануын һәм таулы районнарда ул сельләр барлыкка китерергә мөмкинлеген кисәтте. Бразилиядә, аның сүзләренчә, корылык һәм су басулар ихтимал.

Моннан тыш, көзен Филиппиннарда һәм Мальдив утрауларында да һава торышы тотрыксыз булырга мөмкин.

Альтернатива буларак, белгеч туристларга Төркия, Мисыр, Таиланд һәм Шри-Ланка юнәлешләрен карарга тәкъдим итте.

Фото: «Башинформ».