Табиблар пациентларга БАДлар билгели алачак

Русиядә хәзер биологик актив өстәмәләрнең (БАД) сыйфат критерийлары закон белән билгеләнәчәк. Бу турыдагы канунны Дәүләт Думасы кабул иткән һәм ил Президенты имзалаган.

Документка ярашлы, 2025 елның 1 сентябреннән БАДларның сыйфат үзенчәлекләрен, шулай ук аларны куллану һәм теркәүне Хөкүмәт билгеләячәк.

Бу өстәмәләрне сәламәтлек өчен хәвефле матдәләр – пестицидлар, агрохимикатлар, мал азыгы өстәмәләре, даруларның аерым төрләрен – кулланып әзерләргә ярамаячак. БАДлар һәм аларны куллануга күрсәтмәләр исемлеге барлыкка киләчәк.

Шулай итеп, табиблар күрсәтмәләр булганда исемлектә теркәлгән БАДларны рәсми рәвештә билгеләү хокукы алачак. Ә сатуга тыелган БАДлар турындагы мәгълүматлы сайтларны бик тиз вакыт эчендә, ягъни судсыз яба алачаклар.  

Бу чаралар, бер яктан, биологик актив өстәмәләрне популяррак итәчәк, ә икенче яктан, аларны контрольсез куллануга юл куелмаячак, диләр белгечләр. Югыйсә, БАДлар аркасында сәламәтлеккә зыян килү очраклары юк түгел...