Уфада бала снюс белән пакетны йоткан һәм реанимациягә эләккән

"SHOT" Телеграм-каналы хәбәр иткәнчә, 9 апрельдә көндез яшь әни һәм аның егете оныгын вакытлыча караучы нәнәсенә кунакка килгән. Әни кеше нәнәсенә перевязка ясаганда, бала белән аның егете калган. Моңа кадәр ул кесәсеннән чәйни торган тәмәке салынган савытны чыгарып, комод өстенә куйган булган. Һәм снюсның бер пакеты төшеп киткәч, аны сабый алып капкан...

Баланың хәле шундук начарланган, аны реанимациягә алып киткәннәр. "Башинформ" әлеге инцидент буенча БР Сәламәтлек саклау министрлыгы матбугат хезмәтенә  мөрәҗәгать итте. Ведомствода хәбәр итүләренчә, иң мөһиме, әлеге көндә баланың тормышыңа куркыныч янамый.

Юлай НИЗАЕВ әзерләде. 

Фото: "Башинформ".