Ни өчен балалар күзләрен уа?

Алар үзләренең хәле турында билгеле бер ишарәләр ярдәмендә сигнал бирә.

Балалар –дөньяны чын-чынлап тикшерүчеләр. Еш кына алар үзләренең хәле турында билгеле бер ишарәләр ярдәмендә сигнал бирәләр.

Алар көн саен яңа офыклар ачалар һәм әйләнә-тирә мохит белән үзара бәйләнешкә керергә өйрәнәләр. Танып белү процессы еш кына алардан зур күләмдә энергия һәм игътибар таләп итә.

Ни өчен балалар арыганда күзләрен уа? Бик кечкенәләр безгә бу сорауга җавап бирә алмаячак, әмма күп кенә өлкәннәр дә арыганда шулай эшлиләр. Балалар уеннар һәм активлык вакытында еш кына үз организмнарына өстәмә  йөкләнеш сала. Мускуллар һәм буыннар үз мөмкинлекләре чикләрендә эшли.

Балалар озак вакыт уку белән шөгыльләнгәндә яки конкрет биремгә игътибар иткәндә, аларның баш мие ял сорый. Артык киеренкелек «акыл аруына» китерергә мөмкин, балага пауза ясарга һәм мәгълүмат ташкыныннан аерылып торырга кирәк. Арыганлык шулай ук психоэмоциональ яктан килеп чыгуы ихтимал. Мәсәлән, катлаулы бурычларны үтәү – стресс. Ә нәниләр өчен теләсә нинди бурыч шактый катлаулы булып тора. Эмоциональ йөкләнешләр күрүгә ихтыяҗны арттырырга мөмкин. Балалар стресс яки борчылу хәлендә булганда, алар һәрвакытта да күзләрне ял иттереп алу аларга тынычланырга ярдәм итә алуын аңламый. Мондый очракларда ару күзләрне еш уу рәвешендә күренергә мөмкин. Күзләрне уу балаларга ничек ярдәм итә? Күзләрне ууның беренче чираттагы функцияләреннән берсе-саклау реакциясе. Күзләр арыганда аларда корылык, кычыту яки яну тойгылары барлыкка килергә мөмкин. Сабыйларга игътибарлы булыйк.

Фото: ochkov.net, ru.dreamstime.com