“Син моңа лаексың!”

Интернет дуслары Рөстәм өчен шат!

Кичә Мәскәүдә чор лидерларын бүләкләү тантанасы булды. Мин «тормышка мәхәббәт өчен»номинациясендә бүләккә лаек булдым, дип язды ВКонтактеда үз битендә безнең Рөстәм. Аңладыгыз инде, бу безнең барчабызның – халык сөюен, ышанычын яулаган Рөстәм Нәбиев.

– Анда күп кенә танылган кешеләр белән таныштым, шул исәптән актер Гела Месхи белән дә. Бик игелекле, ярдәмчел һәм аралашучан кеше. Телефон номерлары белән алмаштык.

Яхшы кешегә яхшылар тартыла, Рөстәм. Син үзең күпләрне яхшы якка үзгәртерлек көчле һәм кодратлесең, әлбәттә. Әмма алай да, сиңагел гел яхшы кешеләр генә очрасын, дип телисе килде әле менә!

Рөстәм бүген чагыштырмаслык зур эшләр башкара. Бүген ул бик күпләргә ярдәмгә ашыга һәм егетләрне үзе кичергәннәрдән чыгып аңлый, ярдәм кулы суза, аларга арытаба яшәү көче өсти.