Башкортстан депутатларына гимнны җырларга куштылар

Башкортстан Дәүләт Җыелышы – Корылтайның октябрь утырышында парламент рәисе Константин Толкачев депутатларны дәүләт гимннарын тыңларга гына түгел, ә җырларга да чакырган.

“Безнең монда телсезләр юк. Шуңа күрә, әйдәгез, Русия һәм республика гимннарының сүзләре белән җырлыйк. Югыйсә, барысы да авызларын япканнар, тыйнак кына карап торалар, карашларын түбәнгә юнәлткәннәр”, – дигән Константин Толкачев.

Дәүләт Җыелышы рәисе әйтүенчә, депутатлар Русия һәм Башкортстан символикасына үз үрнәгендә хөрмәт күрсәтергә тиеш.