"Чит ил студентлары бездән өстенрәкмени?"

Алия Усманова ЦУРга түбәндәге сорау белән мөрәҗәгать иткән:

“Исәнмесез, сезгә ярдәм сорап мөрәҗәгать итәргә телибез һәм сездән ниндидер чаралар күрүне сорыйбыз. Без, БДМУ студентлары, хәзерге вакытта Революцион урамы 74 адресы буенча 4нче санлы тулай торакта яшибез. Бу тулай торакта чит ил студентлары күп, һәм хәзер аларның саны шулкадәр артты ки, бу проблеманы хәл итү өчен Һиндстан студентларын лекцияләргә әзерләнер  өчен тәгаенләнгән уку залларына урнаштырдылар. Җитәкчеләрнең чираттагы идеясе – 4әр студент яшәгән һәр бүлмәгә 5нче кешене урнаштыру.  Чит ил студентлары килә, аларның саны 200дән артык кеше, ә БДМУның тулай торакларында урыннар юк, шул ук вакытта аларны урынсыз да калдыра  алмыйлар, шуңа күрә рус студентларын тулай торактан күчерәләр. Ни өчен безнең  студентларга карата шундый мөнәсәбәт? Алар бит бюджетка керергә тырышкан, алар киләчәктә республикада  эшләячәк. Кайберәүләренең үз районнары белән максатчан килешүе бар, алар киләчәктә анда кайтып эшләячәк. Ә монда рус студентларына сез приоритетта түгел дип күрсәтеп кенә калмыйлар, университет җитәкчелеге безнең ил студентларын күбрәк акча китергән чит ил студентларына үз урыннарын бирергә мәҗбүр итә”.

Күп тә үтми студент кыз соравына җавап та килгән:

“Исәнмесез!  Башкорт дәүләт медицина университеты 5нче санлы тулай торакта планга ярашлы капиталь ремонт үткәрә.  Башка тулай торакларда агымдагы ремонт үткәрә. Ремонт вакытында студентларны БДМУ студентлар шәһәрчегенең башка тулай торакларына күчерәләр. Миграция законнары чикләнгәнлектән, башка дәүләтләрнең гражданнары булган студентларны БДМУ тулай торагына күчерәләр. Башкорт дәүләт аграр университеты белән БДМУ студентларына Уфаның Яшьләр бульварындагы тулай торагында урыннар бирү турында килешү бар. Бдмуның 4нче санлы тулай торагыннан күчерелгән студентларга яшәү чыгымнары компенсацияләнәчәк. Кызганычка каршы, күченү турында мәгълүмат студентларга үзгәртелеп җиткерелгән, хәзерге вакытта тулай торак хакимияте өстәмә аңлатмалар үткәрә. Без студентлардан барлыкка килгән уңайсызлыклар өчен гафу үтенәбез”, – дип язган БДМУның тәрбия һәм социаль эш буенча проректоры Артур Мостафин.