Руль артында исерек!

Аекларга куркыныч яный.

Башкортстан дәүләт автоинспекциясендә соңгы тәүлектә узган рейдлар буенча нәтиҗә ясалган.  Руль артына хәмер йотып утырган 42 водитель ачыкланган. Аларның 8-е икенчегә эчеп утырган. Болары бернинди дә нәтиҗә ясамаучы, иң куркыныч кешеләр. Алар машина йөртү хокукыннан мәхрүм ителгән булып та, законнарга төкереп бирүчеләр. Ә 21 водительнең правасы бөтенләй булмаган

1,3 мең юл хәрәкәте кагыйдәләрен бозу очрагы теркәлгән.

305 водитель хәвефселек каешын эләктермәгән өчен җавапка тарттырылган. 31-е балаларны ташу кагыйдәсен үтәмәгән.

– Хөрмәтле әти-әниләр, аңлы булыгыз, үзегезнең һәм башкаларның иминлеген куркыныч астына куймагыз, – дип мөрәҗәгать итте республиканың баш автоинспекторы Владимир Севастьянов.