Өч ел элек без аның барлыгын да белми идек...

Коронавирус дигән куркыныч чир моннан өч ел элек барлыкка килгән.

2019 елгың 17 ноябрендә Кытайда Хубэй провинциясендә яшәгән 55 яшьлек иргә яңа диагноз куялар. Бу – ковидның беренче тапкыр рәсми теркәлүе була. Әмма аның нәкъ коронавирус икәнлеге декабрьдә генә ачыклана.

Кытайда башланган ковид-19 безгә килеп җитмәс кебек иде. Ләкин бу чир өчен бернинди киртәләр дә юк иде шул... Котырынып килде ул: күпме кешенең гомерен өзүгә сәбәпче булды, күпме кешенең сәламәтлегенә зыян салды...

Соңгы мәгълүматлар буенча Башкортстанда барлыгы 334 680 кешегә ковид диагнозы куелган. Ил буенча бу сан – 21 540 891. Ковид аркасында 391 509 кешенең гомере өзелгән...

Бүген инде кешелек бу чир белән бергә яшәргә өйрәнеп бара кебек. Шулай да, беркөн килеп, ул бөтенләй юкка чыкса – нинди яхшы булыр иде.