Әхлак вә иман

Чишмәләре кыйблага карап ага.

Самара өлкәсенең Похвистнево районы Мә­чәләй авылы янындагы тау астыннан кайчандыр бәреп чыккан чишмә, челтер-челтер итеп, авыл халкын куандырып ала да Кыйблага таба агып китә. Нинди генә саф сулы булса да, һәр чишмәгә ярдәм кирәк.

Авылда бу эшне әлеге чишмә янында урнашкан мәчетнең дин әһелләре үз кулларына алалар.

 Авылдашларыннан ярдәм сорап, планлашты­рыл­ган эшләрне җи­ре­нә җит­кереп, матур иттереп чис­тар­тып, яңартып куйганнар алар чишмә тирәсен.

Бу чишмәне мәчет әһелләре эшләп чыгарганга күрә, «Мә­чет­ләр чишмәсе» дип атарга булганнар. Авыл кешеләре моңа бик шат. Киләчәктә дә шушын­дый эшләрне бергәләшеп эш­­ләргә Аллаһы Тәгалә насыйп итсә иде. Шушы чишмә кар­шында кылган догаларыбыз, теләгән теләкләребез кабул булып, дөньяларыбыз тыныч, табыннарыбыз мул, якын ке­шеләребез һәрчак яныбызда бул­сын. Әмин!

Мәчәләй авылы кешеләре шундый теләктә.