Куштауны тынычлыкта калдырырлармы, юкмы?

Бүген, 27 октябрьдә, Башкортстан Башлыгы Радий Хәбиров “Туры элемтә” барышында республика халкыннан һәм журналистлардан килгән сорауларга җавап бирде.

Куштауга кагылышлы сорауга ул болай дип җавап бирде:

“Без Куштау мәсьәләсендә соңгы ноктаны куйдык: сода сәнәгате өчен чимал чыганагы буларак, бу шихан эшкәртелмәячәк. Кайсыбер учреждениеләрдә Куштауны эшкәртү мөмкинлеген караучы акыллы башлар булды, әлбәттә. Бүген без партнерыбыз – “Русский водород” компаниясе белән бергә чимал базасы программасын расладык. Анда чимал өчен бүтән чыганаклар карала”.