Су бензин бәясендә булырга тиешмени ул?

Дәүләт Думасы депутаты Олег Матвейченко шешәгә тутырылган эчәр суга ташламалы салым кертергә тәкъдим итте.

Хезмәт, социаль сәясәт һәм ветераннар эшләре буенча Дәүләт Думасы комитеты рәисе Ярослав Нилов шешә суын социаль әһәмиятле товарлар исемлегенә кертү тәкъдиме турында аңлатма бирде.

• Шешә суына килгәндә, без тулысынча килешәбез. Бездә чынлап та халык киң кулланган һәм көндәлектә мохим булган берничә ризыкка ташламалы салым кулланыла. Иң мөһиме, бу ахыр чиктә су бәясенең төшүенә китерерме? Чөнки салым ставкасы киметелергә, ә бәяләр элеккечә калырга мөмкин. Кайбер очракларда, ташламалы салым билгеләгәндә дә, бәяләр башка сыймаслык күләмдә арттырыла. Мәсәлән, вокзалларда һәм аэропортлардагы су бәясен алыгыз. Аларда бәяләр гадел чыгымнардан берничә тапкырга арттырылып куела. Эшкуарларга салымны киметәбез икән, суга бәяләрне дә катгый контрольдә тотарга кирәк. Без комсыз эшкуарларны түгел, ә гади халыкны якларга тиешбез, - ди Ярослав Нилов.

Депутат билгеләп үткәнчә, җәйге эсселек дулкыны башлангач, медицина хезмәткәрләре гражданнарга гади эчә торган су куллануны арттырырга киңәш итәләр. Бездә киресенчә, шуны гына көтеп торгандай, эссе башлану белән суның бәясе югары үрмәли.

Чынлап та, эчәр су запасы буенча дөньяда иң бай Русиядә аның мондый хак торуын комсызлыктан гайре берничек тә аңлатып булмыйдыр. Чынында, су илебездә яшәгән гомүм халык байлыгы, югыйсә...

Чыганак: russian.rt.com

Фото:russian.rt.com