Уфада 600дән артык призывникны эзлиләр

Республика башкаласында 18дән 27 яшькә кадәрге 30275 кеше хәрби исәптә тора. Быел 6183 егет армиягә чакырылырга тиеш.

Бүген Уфа буенча гражданнарны хәрби хезмәткә чакыру планы 22 процентка үтәлгән. Бу хакта шәһәр хакимиятендә хәбәр иттеләр.

742 кеше медицина тикшерүе үтәргә җибәрелгән. Аларның 286сы тулысынча тикшерү үтмәгән.

Ә хәрби хезмәт яшендә булган 612 кешене розыскка биргәннәр. Алар язгы чакырылыштан качканнар, күрәсең...