Мең ярымнан күбрәк табиб һәм шулкадәр шәфкать туташы кирәк

Башкортстанда медицина хезмәткәрләре җитмәү мәсьәләсе һәрвакыт булды. Әмма соңгы еллардагы вакыйгаларга бәйле, бу проблема тагын да кискенләшкән.

Бүген республика дәваханәләренең табиблар белән тәэмин ителү күрсәткече – 65,5 процент. Ярдәм күрсәтүчеләр – 57,5 процент, ә урта медицина персоналы 89,3 процентка тәэмин ителгән.

Бу саннарны Дәүләт Җыелышы – Корылтайның 43нче пленар утырышында Башкортстанда кеше хокуклары буенча вәкаләтле вәкил Михаил Закомалдин әйтте.

Аның сүзләренчә, республикада – 1645 табиб, ә урта медицина персоналында 1541 хезмәткәр җитешми.

Соңгы мәгълүматлар буенча, узган ел ахырында республикада 24 участок дәваханәсе, 196 табиб амбулаториясе һәм 2104 фельдшер-акушер пункты эшләгән.