Шикәр хакына зарланган

Шушы көннәрдә Башкортстан Башлыгының социаль челтәрләрдәге битендә Нефтекама шәһәрендә яшәүче бер ирнең зары пәйда булган. Ул  тәүлек эчендә шикәр 9 процентка кыйммәтләнгән, дип язган.

Ирнең сүзләренчә, 25 февральдә 50 килограмм шикәр комы 2659 сум торган, ә 26сында инде ул 2899 сумга әйләнгән. Ул үз сүзләрен фото белән дә дәлилләгән.

Әлеге мөрәҗәгатькә республиканың Сәүдә министрлыгы җавап биргән. Ведомство белгече мәсьәлә тикшереләчәк, төгәл җавап 3 мартта урнаштырылачак, дип белдергән.

Кызык: нинди җавап килер икән?

Әйткәндәй, Башстатның соңгы мәгълүматлары буенча, 18 февральгә республикада 1 килограмм шикәрның уртача хакы 56 сум булган.