Хакларны авызлыклап булырмы?

Владимир Путин төзелеш материаллары бәяләрен контрольдә тотучы механизм булдырырга кирәк дип исәпли. Бу хакта ул  Стратегик үсеш һәм милли проектлар буенча  совет утырышында әйтте.

“Монда даими механизмнар  булырга тиеш, ә профилактик сөйләшүләр алып бару гына түгел. Контроль механизмын,  туры диалогны булдырырга кирәк”, – дигән Путин.

Ил башлыгы вице-премьер Марат Хөснуллинга хөкүмәтнең бу проблема буенча ничек эшләвен һәм төзелеш материаллары бәяләре күтәрелүенә йогынты ясыймы-юкмы икәнлеген хәбәр итәргә кушкан.

Хөснуллин аңлатуынча, хөкүмәт рәисе Михаил Мишустин тиешле йөкләмәләрне биргән, бәяләр буенча барлык сикерү очраклар Монополиягә каршы федераль хезмәткә юллана.

Исегезгә төшерәбез:  быел төзелеш материалларының чамадан тыш кыйммәтләнүенә безнең республика халкы да зарланды, кайсыбер позицияләрнең  – 1,5, кайсыберләренең 2 тапкырга артуы теркәлгән иде.

Хөкүмәткә өмет итәбез, әлбәттә. Әмма барыбер элекке бәяләргә кайту булмас инде...

Чыганак: bashinform.ru