Үзен атлы казак дип хис иткәндер инде

Кайсыбер кешеләрнең сәер кыланышларына исең китәрлек. Менә тагын берәү аптыраткан: Уфада бер иркәй Салават Юлаевка куелган һәйкәлгә менеп атланган һәм кулларын селти-селти, сүгенә башлаган. Башкаланың Киров район суды ирне 1 мең сум штрафка  тарттырган. Аны “Вак хулиганлык” маддәсе буенча гаепле дип тапканнар.

Ир чыгышы белән Ярмәкәй районыннан, диләр. Үтеп-сүтеп йөрүчеләр, бу тирәгә ял итәргә килүчеләр “атлы казак”ка кисәтүләр ясап караганнар, әмма ир, кем әйтмешли, “төкереп тә бирмәгән”.