Рөстәм Нәбиевны ник самолеттан төшереп калдырганнар?

Bash.news хәбәр итүе буенча, менә ике атна инде блогер-инвалидны АКШта вак-төяк маҗаралар озатып йөри икән. Ике атна дәвамында Рөстәмебез Лас-Вегастан Лос-Анджелеска очарга маташа.

Ә маҗаралар болай башланган: Рөстәм иң башта рейсына соңлаган. Икенче рейс белән очарга тиеш булган, ләкин килеп чыкмаган. Аннан ул поездга утырырга һәм икенче шәһәрдән очарга уйлаган. Тик менә өченче “попытка”сы да барып чыкмаган – блогерны тагын самолеттан төшереп калдырганнар.

Баксаң, судно капитаны аның гамәлләренә зарланганнан соң, егеткә 1100 долларлык штраф салырга җыенганнар. Бәхеткә каршы, аннан ул штрафны түләтмәгәннәр, ә менә блогерның әйберләре барыбер дә Лос-Анджелеска очкан.

Нәтиҗәдә, Рөстәм барасы җиренә барыбер барып җиткән. Әмма бөтенләй икенче самолетта! Чөнки якташыбызны самолеттан төшереп калдырган авиакомпания аны кара исемлеккә керткән.